Ціманоўская атрымала гуманітарную візу ў Польшчу
8- 2.08.2021, 14:04
- 11,560
Варшава зробіць усё неабходнае, каб дапамагчы ёй прадоўжыць спартовую кар'еру.
Беларуская лёгкаатлетка Крысціна Ціманоўская атрымала гуманітарную візу ў Польшчу, паведаміў у Twitter намеснік міністра замежных спраў Польшчы Марцін Пшыдач.
«Беларуская спартоўка Крысціна Ціманоўская знаходзіцца ў наўпроставым кантакце з польскімі дыпламатамі ў Токіё. Яна атрымала гуманітарную візу. Польшча зробіць усё неабходнае, каб дапамагчы ёй працягнуць спартовую кар'еру», - напісаў Пшыдач.
Kryscina Tsimanouskaya a Belarusian athlet is already in direct contact with Polish diplomats in Tokyo. She has received a humanitarian Visa. Poland will do whatever is necessary to help her to continue her sporting career. 🇵🇱 always stands for Solidarity.
— Marcin Przydacz (@marcin_przydacz) August 2, 2021
Нагадаем, Крысціну Ціманоўскую ўчора спрабавалі вывезці ў Беларусь пасля таго, як яна на мінулым тыдні выступіла з крытыкай кіраўніцтва лёгкаатлетычнай нацыянальнай каманды на Алімпійскіх гульнях.
