У Грэцыі прадаўжаецца рэкордная спякота
1- 2.08.2021, 14:54
- 3,734
Прагназуюць да +47 градусаў.
У Грэцыі амаль тыдзень прадаўжаецца моцная спякота, на гэтым тыдні ў некаторых рэгіёнах прагназуюць тэмпературу паветра да +47 градусаў па Цэльсіі.
Пра гэта паведамляе «Еўрапейская праўда» са спасылкай на Ekathimerini.
Амаль напэўна панядзелак будзе самым гарачым днём у рэгіёне Аціка, які ўключае сталіцу Афіны, і хоць спякота з аўторка крыху зменшыцца, тэмпература будзе заставацца вельмі высокай мінімум да канца тыдня, папярэджваюць метэаролагі.
Дырэктар у даследаваннях у Афінскай абсерваторыі Костас Лагувардос сказаў, што гэта спякотная хваля ўвойдзе ў дзясятку наймацнейшых за апошнія 35 гадоў.
Адзначыўшы, што з 1987 года адбылося 10 працяглых хваляў спёкі, ён дадае, што дзве з іх былі сёлета, і яны будуць станавіцца ўсё даўжэйшымі і часцейшымі.
Некаторыя археалагічныя помнікі па ўсёй краіне ў панядзелак атрымалі распараджэнне прыпыніць працу, каб засцерагчы персанал і наведвальнікаў ад спёкі.
Гарачае надвор'е можа пагоршыць сітуацыю з ляснымі пажарамі.
Буйны пажар на папулярным курортным востраве Родас, які пачаўся ў нядзелю на фоне сухога надвор'я і моцнага ветру, быў ліквідаваны ў панядзелак, паведамілі ў пажарнай службе, хоць пажарная небяспека застаецца высокай.