20 верасня 2021, панядзелак, 5:11
Сім сім, Хартыя 97!
Рубрыкі

МЗС Польшчы: Ціманоўская цяпер знаходзіцца пад апекай польскіх дыпламатаў у Токіё

9
МЗС Польшчы: Ціманоўская цяпер знаходзіцца пад апекай польскіх дыпламатаў у Токіё
КРЫСЦІНА ЦІМАНОЎСКАЯ
ФОТА: @KRISTI_TIMANOVSKAYA/INSTAGRAM

Беларуская бягуха атрымала гуманітарную польскую візу.

Намеснік міністра замежных спраў Польшчы Марцін Пшыдач паведаміў, што беларуская бягуха Крысціна Ціманоўская, адхіленая кіраўніцтвам беларускай нацыянальнай каманды на Алімпіядзе ў Токіё ад удзелу ў спаборніцтвах, прыбудзе ў Польшчу, паведамляе «Польскае радыё».

«Крысціна Ціманоўская звярнулася па гуманітарную візу, якую атрымала. Крысціна Ціманоўская выказала жаданне прыехаць у Польшчу. Спартоўка ўжо мае на гэта права. Польскія дыпламаты дапамагаюць ёй арганізаваць гэты візіт, бо яна атрымала адпаведную візу».

Марцін Пшыдач запэўніў, што Міністэрства замежных спраў паведаміць, калі бягуха ўжо будзе ў Польшчы. Ён дадаў, што Ціманоўская цяпер знаходзіцца пад апекай польскіх дыпламатаў у пасольстве РП у Токіё.

Крысціна Ціманоўская была адхіленая ад удзелу ў Алімпійскіх гульнях пасля крытыкі беларускіх спартыўных чыноўнікаў. Яны хацелі прымусіць яе бегчы дыстанцыю, на якую яна не была падрыхтаваная, а пасля адмовы спартоўкі, агучанай ёю ў сацсетках, мелі намер адправіць яе назад з Японіі ў Беларусь.

Напярэдадні, баючыся рэпрэсій рэжыму Лукашэнкі, муж Ціманоўская - Арсень Зданевіч пакінуў Беларусь і знаходзіцца ва Украіне.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».