Рэжым Лукашэнкі ліквідаваў яшчэ адну польскую арганізацыю ў Беларусі

Ліквідавана Польскае культурна-асветніцкае аб'яднанне Poloniczka.

У Беларусі ліквідавана культурна-асветніцкае аб'яднанне палякаў Беларусі Poloniczka. Пра гэта хадайнічалі ўлады Менска - сталіцы Беларусі. Пастанову прыняў менскі суд, паведамляе «Радио Польша».

Польскую арганізацыю абвінавацілі ў падпарадкаванні дзейнасці, што супярэчыць статуту, і распаўсюду яе супрацоўнікамі інфармацыі, якая дыскрэдытуе Беларусь. Старшыня аб'яднання Poloniczka Святлана Замоціна заявіла, што чакала такога рашэння суда. Аднак, на яе думку, арганізацыя заўсёды дзейнічала ў адпаведнасці з законам: «Я не ведаю, дзе я магла парушыць законы Рэспублікі Беларусь. Мы дзейнічалі ў адпаведнасці з пунктамі, выкладзенымі ў нашым статуце».

Святлана Замоціна дадала, што зараз у яе ёсць два тыдні на тое, каб абскардзіць рашэнне аб ліквідацыі арганізацыі. Аднак наўрад ці гэта адбудзецца. Яна баіцца, што становішча сябраў аб'яднання Poloniczka ад гэтага толькі пагоршыцца.

Раней у Беларусі закрылі Польскую культурна-асветніцкую ўстанову Kresy і грамадскую польскую школу ў Берасці.

Лідары Саюза палякаў Беларусі Анжаліка Борыс і Анджэй Пачобут знаходзяцца за кратамі больш за чатыры месяцы.

Рэжым Лукашэнкі пасля падаўлення пратэстаў грамадзян супраць фальсіфікацыі леташніх выбараў прэзідэнта вядзе барацьбу з няўрадавымі арганізацыямі, у тым ліку з арганізацыямі польскай нацменшасці ў РБ.