У ААН пракаментавалі гібель беларуса Віталя Шышова
8- 3.08.2021, 21:41
- 30,776
Актывіста маглі забіць беларускія спецслужбы.
У ААН пракаментавалі гібель беларуса Віталя Шышова. Кіраўнік "Беларускага дому ва Украіне" знік у Кіеве 2 жніўня. Яго знайшлі павешаным у кіеўскім парку.
"Мы рады бачыць, што ідзе расследаванне, – цытуе словы афіцыйнага прадстаўніка генеральнага сакратара ААН Стэфана Дзюжарыка ТАСС. – Мы мяркуем, што ягоная смерць павінна быць старанна расследаваная, усе абставіны".
Прэзідэнт Украіны Уладзімір Зяленскі ўзяў пад асабісты кантроль гучную справу аб гібелі беларуса. Пра яе паведамляюць сусветныя СМІ, а Bellingcat анансаваў сваё расследаванне.
Сябры Шышова заяўляюць, што актывіста маглі ліквідаваць беларускія спецслужбы.