На кінафестывалі ў Берліне паказалі фільмы пра купалаўцаў і бел-чырвона-белы сцяг
- 30.08.2021, 18:38
- 4,730
Дакументальныя фільмы паказалі на адмысловай секцыі «Ноч бізона».
У рамках кінафестывалю filmPOLSKA ў Берліне паказалі два дакументальныя фільмы з Беларусі. Іх паказалі на адмысловай секцыі «Ноч бізона», паведамляе DW.
Аўтары карцінаў на паказ не прыехалі і нават адмовіліся згадваць у тытрах свае сапраўдныя імёны. Яны застаюцца ў Беларусі, таму выступаюць пад псеўданімамі.
Фільм «Купалаўцы. Людзьмі звацца» апавядае пра трупу Нацыянальнага акадэмічнага тэатра імя Янкі Купалы.
Другая стужка «Колер нацыі» прысвячаецца бел-чырвона-беламу сцягу як сімвалу апазіцыйнага руху.