«Газпрам» спыніў прапампоўку газу праз газаправод «Ямал-Еўропа» праз Беларусь

Аб'ёмы паставак газу ў Нямеччыну нечакана абрынуліся на 40%.

«Газпрам» значна скараціў пастаўкі газу ў Заходнюю Еўропу, «перакрыўшы вентыль» на трубаправодзе «Ямал-Еўропа», што пампуе сыравіну з поўначы Заходняй Сібіры праз Беларусь і Польшчу ў ФРГ.

Аб'ёмы прапампоўвання на ўваходзе ў Нямеччыну праз кампрэсарную станцую «Мальнаў» у раёне Франфурта-на-Одэры нечакана ўпалі на 40%.

З 84 млн кубаметраў за дзень ў мінулую пятніцу, 30 ліпеня, пастаўкі ўпалі да прыкладна 50 млн у суботу.

У нядзелю прапампоўка вырасла да 60-65 млн кубоў на дзень, пасля чаго зноў упала да 55 млн у панядзелак.

Аўторак прынёс новае скарачэнне аб'ёмаў да ўзроўню ніжэй за 50 млн кубаметраў на дзень. У выніку запампоўванне газу ў і без таго амаль пустыя еўрапейскія сховішчы фактычна спынілася, паведамляе «Інтэрфакс» са спасылкай на звесткі Gas Infrastructure Europe.

Цалкам спынілася напаўненне ПСГ Бергермеер у Нідэрландах і Редэн у Нямеччыне, а са сховішча Хайдах у Аўстрыі і зусім нетрадыцыйны для летняга сезону адбор газу.

Халодная зіма 2020 года «спаліла» 61 млрд кубоў з еўрапейскіх сховішчаў, але іх напаўненне гэтым летам буксуе на фоне 20-адсоткавага падзення імпарту ЗПГ, пазапланавых рамонтаў на найбуйнейшым нарвэжскім радовішчы Troll і адмовы «Газпрама» павялічваць прапампоўку праз Польшчу і Украіну.

У панядзелак на платформе GSA чарговы аўкцыён на рэзерваванне, падчас якога «Газпрам» адмовіўся ад дадатковых магутнасцяў газаправода «Ямал-Еўропа» на чацвёрты квартал бягучага года і тры кварталы наступнага ў аб'ёме 89 млн кубаметраў на дзень.

Адмовай «Газпрама» таксама скончыўся аўкцыён на дадатковыя магутнасці ўкраінскай ГТС у аб'ёме за 8,9 млн кубоў на дзень на чацвёрты квартал.

Значнае скарачэнне паставак па ключавым трубаправодзе, забяспечвала Нямеччыну газам з пачатку 2000х, заспела знянацку трэйдараў газавага рынку і прымусіла некаторых вытворцаў электраэнэргіі задумацца аб пераходзе на вугаль, піша Bloomberg.

На 2 жніўня еўрапейскія ПЗГ былі запоўненыя на 57%, што на 16 адсоткавых пунктаў ніжэй за сярэдні ўзровень за апошнія пяць гадоў.

Рынак асцерагаецца, што зіму Еўропа сустрэне без газавых запасаў, пішуць аналітыкі NatGasIntel: гэта разганяе цэны, якія на спотавым рынку ўпэўнена замацаваліся вышэй за 500 даляраў за тысячу кубаметраў.

З пачатку года газ у Еўропе падаражэў на 165%, а калі параўноўваць з мінімальнымі значэннямі мінулага года - больш чым у 10 разоў. «Расея настроена пераключыць патокі на «Паўночны струмень-2» як мага хутчэй і пазбягае выкарыстання больш дарагіх маршрутаў праз Украіну і Польшчу. Гэта штурхае уверх цэны па меры таго, як попыт расце, а сховішчы спустошаныя», - адзначае аналітык Schneider Electric Балинт Балас.

«Газпрпм» цісне на еўрапейскіх пакупнікоў, чакаючы ключавой пастановы аб «Паўночнай плыні-2», якая цяпер асуджаная застацца напаўпустой: трэці энэргопакет ЕЗ забараняе адной кампаніі быць адначасова і пастаўшчыком газу і ўладальнікам трубы.

Першая спроба «Газпрама» дамагчыся прызнання Nord Stream 2 AG «незалежным аператарам» зазнала паразу: Федэральнае сеткавае агенцтва ФРГ адхіліла заяўку, пасля чаго расейскі холдынг надумаў судзіцца з рэгулятарам і падаў пазоў у Вярхоўны рэгіянальны суд Дзюсельдорфа з патрабаваннем перагледзець гэту пастанову. Вердыкт суда чакаецца да канца года.