На пратэстным заводзе «Гродна Азот» запанікавала адміністрацыя
20- 5.08.2021, 7:42
- 50,362
Рабочыя прадпрыемства чытаюць навіны ад незалежных СМІ на смартфонах.
Газета «Гродзенскі хімік», выданне пратэстнага завода «Гродна Азот», паведамляе, што абмяркоўвалі генеральны дырэктар Ігар Ляшэнка і прафсаюзны камітэт прадпрыемства.
А абмяркоўвалі яны новыя абмежавальныя захады ў дачыненні да супрацоўнікаў заводу, які адзначыўся страйкамі яшчэ летась, а ў гэтым рэгулярна з'яўляецца ў навінах праз паломкі і няштатныя сітуацыі.
«З старшынём прафсаюзнага камітэта ААТ «Гродна Азот» Андрэем Ражынскім абмяркоўвалася пытанне забароны выкарыстання смартфонаў на тэрыторыі завода. Яму паведамлена, што цяпер прапрацоўваецца пытанне закупкі звычайных тэлефонаў і выдачы дубліката sim-карт», - піша выданне.