Камеры хуткасці ў Беларусі заблакаваныя хакерамі: атрымана пацвярджэнне

Кібер-партызаны нанеслі ўдар па сістэме фотафіксацыі.

На мінулых выходных у Telegram атрымала распаўсюд інфармацыя аб блакаванні групай хакераў камер хуткасці. Сцвярджалася, што быў нанесены ўдар па сістэме фотафіксацыі. У якасці доказу падавалі некалькі скрыншотаў з праграм, якія прадставілі як базы звестак, ПА ўнутранага карыстання.

Onliner звярнуўся да аператара сістэмы фотафіксацыі СЗАТ «Бяспечныя дарогі Беларусі», каб высветліць, наколькі інфармацыя адпавядае рэчаіснасці.

У якасці каментара да скрыншоту група хакераў паказала, што камеры былі ускрытыя, пашкоджаныя, знаходзяцца пад іх кантролем. Некаторыя прылады, як сцвярджаецца, пакінулі дзейнымі, каб не правакаваць парушэнні хуткаснага рэжыму.

На форуме Onliner з'явілася паведамленне ад карыстальніка vital789, што ківае на праўдзівасць агучаных заяў: «Быў фотафіксаваны 16 ліпеня. Перавышэнне было: я трактар выпярэджваў, не паспеў затармазіць. Пастановы няма ні на пошце, ні ў кабінеце праз сакрэтную спасылку. Камера не тэставая, стаіць у вёсцы гадоў пяць. Пастанова павінна быць не пазней за 30 дзён ці ўсё адно?»

Onliner звярнуўся ў СЗАТ «Бяспечныя дарогі Беларусі» з пытаннямі: па-першае, наколькі інфармацыя адпавядае рэчаіснасці; па-другое, ці звярталіся прадстаўнікі СЗАТ з заявай у МУС? І дадаткова: якія меры прымаюцца для абароны звестак?

Сёння прыйшоў адказ. У ім прадстаўнікі СЗАТ «Бяспечныя дарогі Беларусі» адзначаюць: «Хакерская атака ў дачыненні да інфармацыйных рэсурсаў сапраўды была зафіксаваная».