«Кіроўца наважыў быць разумнейшы за ўсіх»

Каля гатэля «Менск» кіроўца наскочыў на паўсферу.

Чытачка onliner.by распавяла пра інцыдэнт, які здарыўся сёння ўдзень каля гатэля «Менск». Аўтамабіль Kia наскочыў на бетонную паўсферу і з ёй пад дном прыехаў на тратуар.

- Каля гатэля «Менск» кіроўца наважыў быць разумнейшым за ўсіх і наскочыў на гэтую паўсферу, - распавяла аўтарка фота.

Сітуацыя кур'ёзная, але і вельмі непрыемная таксама: бетонную паўсферу з-пад дна аўто яшчэ трэба выцягнуць.

- Я дала яму дамкрат - трэба ж людзям дапамагаць. У выніку аперацыя завяршылася паспяхова - паўсферу вынялі, - адзначыла суразмоўца.

Адзначым, што паўсферы ўсталёўваюцца для таго, каб не дапусціць праезд транспартнага сродку альбо яго паркоўку. Не варта спрабаваць праехаць над імі, нават калі аўтамабіль дазваляе гэта зрабіць, ну а калі не - дык тым больш.