Аўтамабіль Tesla пабіў хуткасны рэкорд
10- 11.09.2021, 15:58
- 5,866
Tesla Model S Plaid паставіў хуткасны рэкорд на гоначнай трасе «Нюрбургрынг».
Tesla Model S Plaid устанавіў рэкорд хуткасці сярод серыйных электракараў на трасе «Нюрбургрынг». Пра гэта паведамляе выданне The Verge.
Новы электракар амерыканскай кампаніі праехаў адлегласць 20,76 кіламетраў за сем хвілін і 30,9 секунды. Аўтамабіль Tesla, кіраваны аўтагоншчыкам, пабіў рэкорд, устаноўлены ў 2019 годзе Porsche Taycan, на 12 секунд. Відэа з заездам аўтамабіля даступнае на YouTube-канале Tesla.
Са слоў кіраўніка кампаніі Ілона Маска, у заездзе ўдзельнічаў электракар з завода, які не мае ніякіх мадыфікацый. Аднак у будучыні Маск паабяцаў выпуск зараджанай версіі Tesla Model S Plaid, якая адрозніваецца наяўнасцю палепшанай аэрадынамікі, карбонавых тармазоў і гусенічных шын.
«Аўтавытворцы любяць выхваляцца, траса «Нюрбургрынг» - адно з галоўных палёў бітваў», - прыводзіць выданне словы аўтаэкспэрта Шона О'Кейна, сказаныя ім пасля трыумфу Porsche Taycan.
«Нюрбургрынг» - знакамітая гоначная траса, якая знаходзіцца побач з нямецкім пасёлкам Нюрбург. Траса функцыянуе з 1927 года, на ёй праводзяць гонкі «Формулы-1», FIA WEC і іншых колцавых серый аўтаспорту.
Model S Plaid з'яўляецца самым хуткім электракарам у лінейцы Tesla. Прадэмансраваны ў чэрвені аўтамабіль можа разагнацца да 100 кіламетраў на гадзіну за дзве секунды. Машына праязджае на адным зарадзе амаль 650 кіламетраў, яе максімальная хуткасць - 320 кіламетраў за гадзіну.