Пазыкі беларускіх флагманаў перавышаюць чаканы ВУП

Самыя буйныя запазычанасці - у прадпрыемстваў Менска.

Улады абнавілі інфармацыю аб узроўні сумарных пазык буйных і сярэдніх кампаній краіны. У 2021 годзе рост запазычанасці працягваецца. Звесткі аб стане разлікаў буйных і сярэдніх прадпрыемстваў звычайна выходзяць з затрымкай на паўтара месяца пасля заканчэння справаздачнага перыяду, пішуць banki24.by.

Таму самая свежая статыстыка ў верасні - гэта звесткі на 1 жніўня. Да 1 жніўня сумарныя пазыкі флагманаў Беларусі склалі 161,5 млрд BYN.

Паводле прагнозу Мінэканомікі (пастанова № 4 ад 12 сакавіка) ВУП за 2021 год чакаецца на ўзроўні 158,5 млрд BYN. Такім чынам, ужо цяпер узровень запазычанасці перавышае прагнозны аб'ём эканомікі краіны.

З пачатку года сума сумарнай запазычанасці флагманаў вырасла на 2%. Даведачна: за ўвесь 2020 год завінавачанасці прадпрыемстваў павялічыліся на 19,3%, за 2016-ы і 2019-ы - па 7,4%, за 2018-ы - на 10,7%, за 2017-ы - на 12,9 %.

У пераліку на грошы сумарныя пазыкі флагманаў за 2020 год выраслі на 25,6 млрд BYN. Параўнайце: за 2019-ы прырост склала 9,2 млрд BYN, за 2018-ы - 11,9 млрд BYN, за 2017-й - 12,8 млрд BYN, за 2016-ы - 6,8 млрд BYN.

Рост сумарнай запазычанасці падтрымліваецца дэвальвацыяй беларускага рубля. Чым вышэйшыя тэмпы абясцэнення «зайчыка» да іншых валют, тым вышэйшыя тэмпы росту пазык. Гэта звязана са значнай дзеллю валютных запазычанняў беларускіх флагманаў.

У тэрытарыяльным разрэзе найбуйнейшыя пазыкі на 1 жніўня назапасілі флагманы Менска - 43,1 млрд BYN. У абласцях узровень пазык наступны: Берасцейская - 10,2 млрд BYN, Віцебская - 14,2 млрд BYN, Гомельская - 24,3 млрд BYN, Гарадзенская - 28,2 млрд BYN, Менская - 27,9 млрд BYN, Магілёўская - 13, 6 млрд BYN.

Сярод абласцей па памеры завінавачанасці ў лідарах Гарадзенская.

Таксама ў гэтым рэгіёне самыя высокія тэмпы росту абавязанняў флагманскіх кампаній - плюс 11,2% з пачатку 2021 года. На Гарадзеншчыне працягваецца ўзвядзенне другога энергаблока АЭС.

Сумарныя пазыкі ў прамысловасці склалі 93,4 млрд BYN, у сельскай гаспадарцы - 16,2 млрд BYN, у будаўніцтве - 7,6 млрд BYN, у гандлі - 18,7 тыс млрд BYN, на транспарце - 7,3 млрд BYN. У сумарных пазык ёсць пратэрмінаваная кампанента.

Гэта абавязанні, пазыкі тэрміны выплаты якіх прайшлі, але пазычальнік не вярнуў рэсурсы крэдытору. Да 1 жніўня пратэрмінаваныя пазыкі флагманаў перавысілі 10 млрд BYN. Па Менску пратэрмінаваныя пазыкі склалі 1,550 млрд BYN.

Прадпрыемствы сталіцы займаюць першае месца ў тэмпах росту пратэрміноўкі ў 2021 годзе - плюс 9,5%. Па Берасцейскай вобласці пратэрміноўка на справаздачную дату склала 935,7 млн BYN, па Віцебскай - 917,4 млн BYN, па Гомельскай - 2,120 млрд BYN, па Гарадзенскай - 524,3 млн BYN, па Менскай - 2,560 млрд BYN, па Магілёўскай - 1,436 млрд BYN.

Пратэрміноўка флагманаў у прамысловасці дасягнула 4,492 млрд BYN, у сельскай гаспадарцы - 2,953 млрд BYN, у будаўніцтве - 874,8 млн BYN, на транспарце - 328 млн BYN, у гандлі - 670,3 млн BYN.