28 верасня 2021, aўторак, 16:55
Сім сім, Хартыя 97!
Рубрыкі

Еўрапарламент ухваліў новыя правілы выдачы «блакітных карт» ЕЗ

1
Еўрапарламент ухваліў новыя правілы выдачы «блакітных карт» ЕЗ

Высокакваліфікаваным замежнікам будзе лягчэй атрымаць дазвол на працу ў ЕЗ.

Еўрапейскі парламент ухваліў новую дырэктыву аб «блакітнай карце» (Blue Card), якая ўсталёўвае змененыя правілы допуску высокакваліфікаваных замежнікаў на рынак працы Еўразвязу. На пленарным пасяджэнні ў Страсбургу ў сераду, 15 верасня, гэты дакумент падтрымалі 556 еўрадэпутатаў, 105 прагаласавалі супраць, а яшчэ 31 - устрымаўся, паведамляе карэспандэнт DW з месца падзей. Цяпер дырэктыву павінна канчаткова зацвердзіць Рада ЕЗ. Пасля яе афіцыйнай публікацыі ў дзяржаў Еўразвязу будзе два гады, каб унесці новыя правілы ў сваё нацыянальнае заканадаўства.

Атрымаць «блакітную карту» Еўразвязу стане прасцей

Цяперашнія правілы спрашчаюць парадак выдачы «блакітнай карты»: парог заробка, які дазваляе яе атрымаць, стаў больш гнуткім: яго можна ўсталёўваць у дыяпазоне паміж 100% і 160% ад сярэдняга заробку ў краіне. Цяпер ён складае 150%. Яшчэ адна ўмова атрымання Blue Card - наяўнасць працоўнай дамовы або прапанова працы з юрыдычным абавязаннем. Прычым прадугледжаны імі мінімальны тэрмін працоўных адносін скароціцца з аднаго года да шасці месяцаў.

Што такое Blue Card

Blue Card - гэта дазвол на пражыванне і працу ў адной з 25 краін Еўрапейскага Звязу (акрамя Даніі і Ірландыі) для высокакваліфікаваных грамадзян краін, якія не ўваходзяць у склад ЕЗ. Пад высокай кваліфікацыяй разумеюць перш за ўсё ўніверсітэцкую адукацыю.

Сістэму «блакітных карт» зацвердзілі ў Еўразвязе ў 2009 годзе, яна ўступіла ў дзеянне ў 2011-м. Змяніць гэтыя правілы Еўракамісія прапанавала яшчэ ў 2016 годзе. Доўгі час у перамовах паміж Радай ЕЗ і Еўрапарламентам не было руху. Дасягнуць кампрамісу атрымалася толькі ў траўні 2021 года.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».