Латвія выдаткуе паўмільёна еўра на «калючку» для мяжы з Беларуссю
4- 16.09.2021, 10:16
- 1,564
Пастаўшчыком выступіць фірма Brief, якая з пачатку пандэміі пастаўляла маскі і іншыя сродкі аховы.
Улады Латвіі выдаткуюць 488,4 тысячы еўраў (без ПДВ) на калючы дрот для часовай агароджы на латвійска-беларускай мяжы.
Пастаўшчыком выступіць фірма Brief, якая з пачатку пандэміі пастаўляла дзяржаўным ведамствам маскі і іншыя сродкі індывідуальнай аховы, піша Rus.lsm.lv.
Праз павелічэнне плыні нелегальнай міграцыі з беларускай тэрыторыі Літва абвясціла рэжым экстрэмальнай сітуацыі на ўсёй тэрыторыі краіны, Латвія і Польшча ўвялі надзвычайнае становішча ў раёнах, якія мяжуюць з Беларуссю.