29 лiстапада 2021, панядзелак, 20:53
Сім сім, Хартыя 97!
Рубрыкі

Беларускія рабочыя пакідаюць заводы

Беларускія рабочыя пакідаюць заводы
Фота: bymedia

Флагманы індустрыі зрабілі справаздачу пра выпуск прадукцыі, занятасць і фінансавыя паказчыкі.

Далёка не ўсе з іх можна аднесці да паспяховых прыкладаў. Прамысловасць Беларусі плённа пачала 2021-ы. У гэтым ёй дапамагала нізкая база мінулага года. Узгадайце: у 1-м квартале расейцы не пастаўлялі ранейшыя аб'ёмы нафты на НПЗ, а ў сакавіку-красавіку грымнуў сусветны эканамічны крызіс, паведамляе banki24.by.

Спачатку прамысловая вытворчасць расла як на дражджах. 1 квартал прамыслоўцы закрылі з плюсам на 9,2%, 2 квартал - з плюсам 11,6%. Аднак ужо па выніках чэрвеня рост істотна запаволіўся - да 6,9% супраць 11,5% у траўні і 16,4% у красавіку.

Тармажэнне прадоўжылася ў ліпені. За гэты месяц выпуск вырас да 2020 года ўсяго на 2,7%. У апрацоўчых галінах рост быў яшчэ больш сціплымі - на 1,5%. З драйвераў росту ВУП прамысловасць паступова перакацілася ў лік аўтсайдэраў.

За восеньскія месяцы 2020 года прамысловая вытворчасць паскорылася. Фактар нізкай базы канчаткова знікае. Калі нічога прынцыпова не зменіцца, то да канца 2021-га месячныя тэмпы могуць шчыльна наблізіцца да нулявых.

У 2021 годзе флагманы прамысловасці страчваюць працоўную сілу. За 7 месяцаў буйныя і сярэднія кампаніі ў галіне прынялі на працу 78,5 тысяч чалавек, але звольнілі 87,6 тысяч.

Адток кадраў на чыстай аснове склаў 9,1 тысяч чалавек. На кожных 100 звольненых у прамысловасці ў сярэднім прыпадала толькі 89,6 прынятых.

На 1 ліпеня 2021-га блізу 25,9% буйных і сярэдніх арганізацый прамысловасці не мелі ўласных абарачальных сродкаў, а яшчэ 11,2% былі забяспечаны абарачэннем ніжэйшым за нарматыў.

Сярэдняя рэнтабельнасць продажаў у прамысловасці пакуль крыху вышэйшая, чым летась. За студзень-ліпень 2021 года яна склала 9,6% супраць 9,4% годам раней.

Але сярэднюю рэнтабельнасць у галіне фармуюць буйныя высокапрыбытковыя бізнэсы. Медыянная рэнтабельнасць значна ніжэйшая. Гэта відаць з дзелі прадпрыемстваў з негатыўнай і нізкай рэнтабельнасцю.

Па выніках 7 месяцаў блізу 18,8% флагманскіх кампаній мелі адмоўны вынік ад продажаў, а 30,1% - рэнтабельнасць у межах 0-5%. Значыць медыянная рэнтабельнасць продажаў прамыслоўцаў у 2021 годзе крыху большая за 5%.

Сумарныя пазыкі флагманаў прамысловасці на 1 жніўня перавысілі 93,4 млрд BYN. Рост абавязанняў буйных і сярэдніх прадпрыемстваў з пачатку года склаў 21,1%.

Плацяжы прамыслоўцаў крэдыторам за 7 месяцаў склалі 29,4 млрд BYN і выраслі да 2020 года на 11,1%. Прамысловасць была вымушана накіраваць на гэтыя мэты эквівалент 32,9% даходу.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».