Стала вядома, які сюрпрыз падрыхтавала ДАІ менскім кіроўцам на выходных

Папярэджаны значыць узброены.

ДАІ Менска папярэдзіла аб стоеным кантролі хуткасці найбліжэйшыя выходныя, паведамляе onliner.by.

Так званы змешаны непублічны кантроль фактычна –гэта праца інспектараў на аўто без ліўрэі, маячкоў і чырвоных нумароў. Пачынаючы з мінулага года яе практыкуюць па ўсёй краіне. Сталіца - не выключэнне. Сёння ДАІ Менска абвясціла аб такіх рэйдах, якія пройдуць найбліжэйшыя тры дні (з пятніцы, 17 верасня, да нядзелі, 19-га).

Шэраг рэйдаў назвалі «прафілактычнай акцыяй «Хуткасць»: «Інспектары правядуць рэйды з выкарыстаннем публічнага, сакрэтнага і змешанага кантролю. З дапамогай сучасных тэхнічных сродкаў нарады ДПС будуць фіксаваць хуткасць аўтамабіляў».

Вядома, што мінулай вясной інспектары выкарыстоўвалі для сакрэтнага кантролю чорны Geely Tugella.

Паводле звестак ДАІ, за восем месяцаў гэтага года на дарогах сталіцы здарылася 54 ДТЗ праз перавышэнне хуткасці, у якіх 4 чалавекі загінула і 68 атрымалі траўмы.