Харватыя да канца года атрымае бязвіз з ЗША

На гэты момант грамадзяне толькі чатырох краін ЕЗ павінны афармляць амерыканскія візы.

Грамадзяне Харватыі змогуць падарожнічаць у ЗША без візы ўжо ў канцы гэтага года.

Пра гэта заявіла памочніца сакратара ў міжнародных справах Дэпартамента нацыянальнай бяспекі ЗША Серэна Хой, паведамляе «Еўрапейская праўда».

Чакаецца, што міністр унутранай бяспекі Алехандра Маёркас прыме пастанову да канца верасня.

«І тады, спадзяюся, калі ўсё будзе добра, мы аптымістычна чакаем, што да канца года Харватыя фактычна зможа пачаць выкарыстоўваць праграму бязвізавага рэжыму (VWP) для паездак у ЗША», - сказала Хой.

Дзяржсакратар ЗША Энтані Блінкен афіцыйна залучыў Харватыю ў праграму VWP у пачатку жніўня, а пасольства ЗША ў лютым заяўляла, што Харватыя выканала патрабаванне па ўзроўні адмоў у выдачы віз ніжэй 3%.

Паводле звестак амерыканскіх крыніц, адной з асноўных перашкод з'яўляюцца грамадзяне Босніі і Герцагавіны, якія маюць харвацкія пашпарты.

Калі Харватыя сапраўды далучыцца да праграмы бязвізавага рэжыму, толькі тры краіны-чальцы ЕЗ (Баўгарыя, Румынія і Кіпр) павінны будуць падаваць дакументы на візы для паездак у ЗША.

Міністр унутраных спраў Харватыі Давор Бажынавіч заявіў у жніўні, што далучэнне Харватыі да VWP таксама важнае для спробы краіны далучыцца да Шэнгенскай зоны.