Аляксандр Кныровіч пра падзеі 2020 года: Рэйтынг пераменаў быў 97%

Людзі не верылі, што такое можа адбывацца ў нашай краіне.

Вядомы бізнэсовец Аляксандр Кныровіч правёў 22 месяцы ў СІЗА і яшчэ 33 у калоніі паводле справы «нявыплаты падаткаў і дачы хабару». У жніўні Кныровіч выйшаў на свабоду і неўзабаве з'ехаў з Беларусі. У інтэрв'ю zerkalo.io ён адказаў, як успрымаліся жнівеньскія падзеі ў зняволенні:

- Як фантастыка. Знаходзячыся там, людзі не верылі, што такое можа адбывацца ў нашай краіне з нашымі людзьмі. Было велізарнае натхненне. Магу проста сказаць, што людзей, якія б не падтрымлівалі перамены і галоўны лозунг «Сыходзь», былі, можа быць, адзінкі. Гэта значыць, рэйтынг перамен сярод тых, хто сачыў за падзеямі, напэўна, быў 97%.

Да мяне падыходзілі некаторыя суровыя хлопцы і ціхенька пыталіся «А чаму не знайшлося з гэта вялізнага натоўпу некалькі тысяч нармальных мужыкоў, якія пайшлі б і надавалі?». У мяне не было адказу на гэтае пытанне, бо я не адчуваў, што адбываецца. У мяне гэтага адказу няма і цяпер, ёсць толькі падазрэнне.