Украіна ўвяла санкцыі супраць супрацоўнікаў ФСБ РФ за атручванне Навальнага
9- 17.09.2021, 21:05
- 4,300
Санкцыі ўведзеныя супраць сямі асоб.
Украіна ўвяла санкцыі супраць сямі супрацоўнікаў Федэральнай службы бяспекі Расеі. Абмежаванні былі ўведзеныя за атручванне расейскага апазіцыянера Аляксея Навальнага, паведамляе zn.ua.
Пра гэта паведаміў на брыфінгу сакратар Рады нацыянальнай бяспекі і абароны Аляксей Данілаў.
«Сёння былі ўведзеныя санкцыі супраць першых людзей. Сем службовых асоб, якія непасрэдна датычныя. Супрацоўнікі ФСБ РФ, датычныя да атручвання Навальнага. Яны патрапілі пад санкцыі», - заявіў Данілаў.