«Людзі ляжаць з 80% паразы лёгкіх і дзеляць кісларод на дваіх, а то і траіх»
21- 19.09.2021, 19:20
- 48,478
У 3-й Менскай лякарні – крытычная сітуацыя праз каранавірус.
Чытач расказаў тэлеграм-каналу «Баста!» пра сітуацыю ў 3-й Менскай лякарні
«3-я лякарня павінна была перавесціся на кавідную 21 верасня, але яе экстранна перавялі 16-га.
У гэты дзень тут было больш за 160 пацверджаных дыягназаў каранавірусу ўжо да 17:00 дня.
Лекарка з рэанімацыі выходзіла і плакала ад таго, што няма месцаў, людзі ляжаць з 80% паразы лёгкіх і дзеляць кісларод на дваіх, а то і траіх з адной маскі.
Лёгкія формы адпраўляюць дадому, а праз некалькі гадзінаў людзі выклікаюць, і ўжо сатурацыя (узровень насычэння крыві кіслародам) 50–60%.
Сёння брыгады хуткай стаяць у чэргах, месцаў няма, людзей няма куды шпіталізаваць».