Ва Узброеныя сілы Украіны ўкаранёныя ўжо 303 нарматыўныя дакументы NATO

У 2020 годзе Украіна атрымала статус партнёркі NATO.

Ва Узброеных сілах Украіны ўкаранёныя ўжо 303 нарматыўныя дакументы NATO. Пра гэта паведаміў кіраўнік управы двухбаковага ваеннага супрацоўніцтва Галоўнай управы ваеннага супрацоўніцтва і верыфікацыі УСУ палкоўнік Андрэй Павёлка, паведамляе gordonua.com.

"На сёння ўкаранёныя ўжо 303 нарматыўныя дакументы NATO шляхам распрацоўкі 331 нацыянальнага дакумента. Уведзеныя стандарты NATO выкарыстоўваюцца ў такіх галінах, як ваенная палітыка, бяспека і стратэгічнае планаванне, аперацыі і баявыя дзеянні, выведка, інфармацыйныя і псіхалагічныя аперацыі, сувязь, распрацоўка, пастаноўка на вытворчасць і прыняцце на ўзбраенне ўзораў узбраення, ваеннай і спецыяльнай тэхнікі, стратэгічныя камунікацыі і гендарныя перспектывы", – сказаў ён.

Павёлка нагадаў, што ў 2020 годзе Украіна атрымала статус партнёркі NATO з пашыранымі магчымасцямі, і гэта адкрывае шляхі для паглыблення практычнага супрацоўніцтва.

"Высокай ступенню нашага супрацоўніцтва з NATO з'яўляецца ўдзел нацыянальнага персаналу і кантынгентаў у аперацыях і місіях падтрымання міжнароднага міру і бяспекі пад кіраўніцтвам NATO. Сёння мы прадаўжаем прадстаўляць уклад у міратворчыя намаганні Альянсу, удзельнічаючы ў аперацыі NATO ў Косава, дзе выконвае задачы інжынернае падраздзяленне УСУ колькасцю 40 вайскоўцаў", – заявіў ён.