На аўтавакзале ў Менску адкрылі новы пункт ПЛР-тэставання
- 20.09.2021, 17:25
- 2,240
Стандартнае тэставанне каштавацьме 31,73 рублёў, 44 рублі возьмуць з замежнікаў.
Новая ПЛР-лабараторыя адкрылася на другім паверсе аўтавакзала «Цэнтральны» ў Менску. Тут могуць зрабіць тэст і беларусы, і замежнікі. Kp.by расказвае падрабязнасці.
Паведамляецца, што адкрыццё лабараторыі звязанае са «шматлікімі зваротамі грамадзян». Лабараторыя адкрылася на другім паверсе, у пакоі маці і дзіцяці. Праводзяць два тыпы тэставання: звычайнае (вынік праз 24 гадзіны, паводле папярэдняга запісу) і экспрэс-тэставанне (30 хвілін, па жывой чарзе).
Рэжым працы лабараторыі:
панядзелак-пятніца 09:00 - 18:00 (тэхнічны перапынак 12: 00-13: 00).
субота - 09:00 - 12:00.
Кошт пытання:
Стандартнае тэставанне 31,73 рублёў (44 для іншаземцаў);
З унясеннем у сістэму «Падарожнічаю без COVID-19» - 35,33 рублёў
Кошт экспрэс-аналізу - 38,51 рублёў (для замежнікаў 44,64).