Расейскі фондавы, валютны і пазыковы рынак адправіліся ў крутое піке

Рызыкамі для рубля з'яўляюцца рост пратэстных настрояў пасля выбараў і непрызнанне іх вынікаў Захадам.

Расейскі фондавы, валютны і пазыковы рынак адправіліся ў крутое піке на таргах у панядзелак услед за распродажам акцый і сыравіны на сусветных біржах, піша finanz.ru.

На 15.25 мск індэкс РГС абрынуўся на 2,8% (рэкордна з сакавіка), індэкс МасБіржы асеў на 1,95% (максімальна за два месяцы), а індэкс RGBI, які адсочвае цэны аблігацый федэральнай пазыкі, прабіў «дно» з сакавіка 2020 года.

Рубель патаннеў рэкордна з 6 ліпеня і абнавіў 3-тыднёвы мінімум да даляра і амаль тыднёвы да еўра, ідучы за валютамі развіваных краін, якія дружна адступаюць пад націскам падаражэлага даляра.

Падчас таргоў на МасБіржы курс амерыканскай валюты дасягаў 73,59 рубля - рэкорднага значэння з пачатку верасня. За дзень рубель страціў 71 капейку, а за тры апошнія гандлёвыя сесіі - 1,09 рубля, што стала для валютнага рынку найгоршым вынікам з канца чэрвеня.

Курс еўра вырас на 73 капейкі і сышоў вышэй за 86 рублёў, перш чым адступіць да адзнакі 85,99 на сярэдзіну пятай гадзіны асноўных таргоў.

Рынкі напалоханыя крызісам вакол кітайскага гіганта Evergrande - аднаго з найбуйнейшых у краіне дэвелапераў, які апынуўся на мяжы дэфолту. Гэта дае імпульс даляру, які даражэе ўслед за попытам на актывы-прытулкі, адзначае стратэг Saxo Bank Оле Хансен.

«Калі ўрад не стрымае крызіс, ён рызыкуе «заразіць» аналагічныя кампаніі і эканоміку Кітая агулам», - паказвае Хансен: на гэтым фоне падаюць фондавыя рынкі і цэны сыравіны.

Ф'ючэрс на нафту Brent з пастаўкай у лістападзе таннее на 1,8%, да 73,96 даляра за барэль, а кантракты на WTI губляюць у цане 2,1% і таргуюцца па 70,31 даляра.

Медзь таннее на 2,13%, нікель і плаціна - на 1,8%. Ф'ючэрсы на жалезную руду губляюць у цане яшчэ 1,2% і прадаўжаюць змяншацца рэкордна за дзясяцігоддзе - на 51% за два месяцы.

Пагроза дэфолту Evergrande - найбуйнейшага ў сучаснай гісторыі Кітая - пагаршаецца тым, што сусветныя цэнтрабанкі рыхтуюцца спыніць друкарскія станкі на фоне разгону інфляцыі. У сераду чарговае пасяджэнне правядзе ФРС ЗША. «І ўсякі намёк на згортванне стымулаў можа падтрымаць даляр і штурхнуць акцыі яшчэ ніжэй», - кажа Чараламбос Пісоўрас, кіраўнік даследаванняў JFD Group.

«Расейскі рынак акцый у значнай ступені ігнараваў распродажы на Захадзе, але доўга так прадаўжацца не можа», - кажа аналітык «Алор Брокера» Аляксей Антонаў.

Што тычыцца рубля, то рызыкамі для яго акрамя пагаршэння замежнага эканамічнага фону «з'яўляюцца магчымы рост пратэстных настрояў расейцаў пасля выбараў у Дзярждуму і непрызнанне іх вынікаў Захадам», папярэджвае экспэрт.