У ЗША заклікалі ЕЗ паскорыць працэс пашырэння

Вашынгтон заклікаў ЕЗ паскорыць працэс пашырэння ў дачыненні да Заходніх Балкан.

Нядаўна Габрыэль Эскабар, прызначаны выканаўцам абавязку намесніка дзяржсакратара ЗША ў пытаннях Паўднёвай Цэнтральнай Еўропы заклікаў ЕЗ паскорыць працэс пашырэння ў дачыненні да Заходніх Балкан.

Пра гэта паведамляе EUobserver.

«Калі вярнуцца на 20 гадоў назад і ўбачыць, што на гэтым фронце не было вялікага прагрэсу, адчуваеш расчараванне», - сказаў ён RFE/RL, спасылаючыся на пасады, якія ён займаў у той час у кантэксце балканскага рэгіёну.

«Мы б хацелі бачыць больш хуткую інтэграцыю», - сказаў ён.

Эскабар адзначыў, што і Еўрапейскі Звяз, і краіны Заходніх Балкан, якія ўключаюць Паўночную Македонію, Албанію, Сербію, Косава, Чарнагорыю і Боснію і Герцагавіну, сутыкаюцца з праблемамі, якія неабходна пераадолець, каб зрабіць інтэграцыю рэальнасцю, але выказаў надзею, што ўдзел Амерыкі «дапаможа абодвум бакам вярнуцца ў патрэбнае рэчышча».

Раней сёлета Балгарыя заблакавала пачатак перамоў аб уступленні ў ЕЗ з Паўночнай Македоніяй праз моўныя спрэчкі і гістарычныя прэтэнзіі. Правілы ЕЗ патрабуюць кансэнсусу ўсіх 27 сябраў у многіх важных пытаннях, уключаючы пашырэнне.

Паколькі заяўка Албаніі на ўступленне ў ЕЗ будзе разглядацца сумесна з Паўночнай Македоніяй, вета закранула і Тырану.

Эскабар адзначыў, што Балгарыі не варта выкарыстоўваць двухбаковы спрэчкі, якія спыняюць імкненне Паўночнай Македоніі ўступіць у ЕЗ.