«Не маляванню лічбачак»: Як у Маскве прайшоў мітынг супраць фальсіфікацый на выбарах
3- 21.09.2021, 9:15
- 5,196
КПРФ вывела людзей на Пушкінскую плошчу.
У Маскве на Пушкінскай плошчы прайшла акцыя пратэсту супраць фальсіфікацый на мінулых выбарах у Дзярждуму, у ёй удзельнічалі некалькі сотняў чалавек, паведамляе currenttime.tv.
Акцыю спрабавала ўзгадніць партыя КПРФ, якая не прызнала вынікі электроннага галасавання ў сталіцы, аднак мэрыя Масквы адмовілася гэта рабіць. Перад прысутнымі выступілі, сярод іншых, Валерый Рашкін, Дзяніс Парфёнаў і Сяргей Абухоў, якія балатаваліся ў Думу ў аднамандатных акругах. Рашкін паабяцаў, што камуністы будуць выходзіць на вуліцу да таго часу, пакуль вынікі электроннага галасавання ў Маскве не будуць ануляваныя.
Акрамя таго, на мітынгу выступіла кандыдатка ад "Яблыка" ў 198 акрузе Марына Літвіновіч. Яна запатрабавала скасаваць трохдзённае галасаваннем, а ў канцы выступу пачала скандаваць "Навальны".
Таксама выйсці на Пушкінскую плошчу, каб "абмеркаваць" вынікі галасавання, заклікаў кандыдат у дэпутаты Міхаіл Лабанаў, падтрыманы праектам Аляксея Навальнага "Умное галасаванне".
Ён быў у лідарах у сваёй акрузе і апярэджваў у бюлетэнях, пададзеных на выбарчых участках, свайго канкурэнта ад "Адзінай Расеі", тэлевядоўцу Яўгена Папова, на 10 тысячаў галасоў. Аднак пасля публікацыі вынікаў электроннага галасавання ЦВК абвясціў пра перамогу "адзінароса" з адрывам 20 тысячаў галасоў.
Лабанаў адзначыў, што "такая гіганцкая розніца ў выніках галасавання на жывых участках і онлайн-галасаванні не можа быць праўдай", паклікаўшы выбарнікаў і іншых кандыдатаў, якія трапілі ў такую ж сітуацыю, адстаяць свае галасы.
Плошча яшчэ з раніцы была абгароджаная платамі, побач з ёй былі прыпаркаваныя аўтазакі. Супрацоўнікі праваахоўных органаў спрабавалі затрымаць толькі адну ўдзельніцу мітынгу за тое, што яна крычала "Навальны". Але хутка паліцыянты яе адпусцілі.
⚡️Полиция задержала одну участницу митинга, но вскоре отпустила. По ее словам — за то, что кричала «Навальный».
— Новая Газета (@novaya_gazeta) September 20, 2021
В завершение митинга Валерий Рашкин объявил, когда состоится следующая встреча с избирателями. Люди начали расходиться.
Видео: Артем Распопов / «Новая газета» pic.twitter.com/aKwAB1fRgX
ЦВК апублікаваў вынікі выбараў у Дзярждуму паводле вынікаў апрацоўкі 99% пратаколаў. "Адзіная Расея" набірае 49,82% галасоў, КПРФ – 19%, ЛДПР – 7,49%, "Справядлівая Расея – Патрыёты – За праўду" – 7,42% і "Новыя людзі" – 5,35%. Астатнія партыі не пераадольваюць 5%-ы бар'ер.
Акрамя выбараў у Дзярждуму, у 12 рэгіёнах Расеі выбіралі кіраўнікоў суб'ектаў РФ, а ў 39 рэгіёнах – дэпутатаў заканадаўчых органаў дзяржаўнай улады. Менавіта восьмае скліканне Дзярждумы будзе засядаць, калі ў 2024 годзе закончыцца чарговы прэзідэнцкі тэрмін Уладзіміра Пуціна.