Анджэй Дуда ў ААН падтрымаў беларусаў пратэстоўцаў

Прэзідэнт Польшчы запэўніў, што ягоная краіна ставіцца да беларусаў як да братоў.

Прэзідэнт Польшчы Анджэй Дуда заявіў, што блізу 150 тысячаў беларусаў за апошні час атрымалі прытулак і працу ў ягонай краіне і заклікаў сусветную супольнасць да большай салідарнасці з беларусамі, паведамляе прэс-служба польскага прэзідэнта.

«Я кажу ўсё гэта як лідар краіны, дзе блізу 150 тысячаў беларусаў атрымалі прытулак і працу, у тым ліку тысячы пратэстоўцаў. Нядаўна я сказаў нашым беларускім братам, што яны вітаюцца і што Польшча будзе іх домам да таго часу, пакуль яны будуць меркаваць гэта мэтазгодным і неабходным. Я цвёрда прытрымліваюся гэтых словаў», – сказаў ён, выступаючы на Генеральнай Асамблеі ААН.

Анджэй Дуда адзначыў, што са жніўня мінулага года тысячы беларусаў выходзячы на мірныя акцыі пратэсту сутыкаліся з дубінкамі, слезацечным газам і нават кулямі. Таксама Дуда праінфармаваў Генасамблею аб прысудах, вынесеных Марыі Калеснікавай і Максіму Знаку і нагадаў пра прадстаўнікоў польскіх меншасцяў, затрыманых беларускімі ўладамі – Анжаліку Борыс і Анджэя Пачобута.

Ён запатрабаваў іхняга вызвалення і заклікаў міжнародную супольнасць да большай салідарнасці з беларускім народам.

«Мы патрабуем іхняга вызвалення і большай салідарнасці міжнароднай супольнасці з народам Беларусі, які проста хоча сумленнага дзяржавы, сумленнай дэмакратыі», – сказаў ён.

Таксама Дуда абвінаваціў беларускія ўлады ў арганізацыі міграцыйнага крызісу на межах з Еўразвязам.