Невядомыя расстралялі аўто першага памочніка прэзідэнта Украіны
27- 22.09.2021, 11:26
- 11,168
Паранены кіроўца.
Як паведамляе выданне "Украінская праўда", пад Кіевам невядомыя стралялі ў аўтамабіль першага памочніка прэзідэнта Украіны Уладзіміра Зяленскага Сяргея Шэфіра, паранены кіроўца машыны.
Адзначаецца, што Шэфір ехаў на машыне з дому на працу. Дарога праходзіла праз лес, дзе яго чакала засада. З розных бакоў дарогі былі зробленыя некалькі аўтаматных чэргаў. Выпусцілі блізу 12–15 куляў у аўто.
Кіроўца Шэфіра пры замаху, як паведамляюць СМІ, атрымаў тры кулі, ён у рэанімацыі ў цяжкім стане.