Прэзідэнтка Славакіі выступіла ў ААН у падтрымку беларусаў пратэстоўцаў
- 22.09.2021, 12:33
- 2,618
Зузана Чапутава заклікала зрабіць дэмакратыю больш устойлівай.
Прэзідэнтка Славакіі Зузана Чапутава заклікала ўсе краіны ААН падтрымліваць дэмакратычныя памкненні ў такіх краінах, як Беларусь, паведамляе «Еўрарадыё».
«Мы павінны зрабіць дэмакратыю больш устойлівай, падтрымліваючы тых, хто змагаецца за асноўныя правы, у тым ліку свабоду слова і права на сходы... Грамадзяне павінны мець права выказвацца вольна, напрыклад у Беларусі, ці ў акупаваным Крыме, Венесуэле, Расеі...» – заявіла Чапутава ў ААН.
Акрамя прэзідэнткі Славакіі, у падтрымку Беларусі з галоўнай трыбуны ААН выказаліся прэзідэнты ЗША, Польшчы, Літвы і Латвіі.