«Наперадзе Audi з памочнікам Зяленскага ехала чорнае аўто, а ззаду - белы мікрааўтобус»
9- 22.09.2021, 15:01
- 10,326
Аповед сведкі, які апынуўся на месцы замаху.
Аўтамабіль першага памочніка прэзідэнта Украіны Сяргея Шэфіра пасля таго, як быў абстраляны, праехаў яшчэ 15 км. Пра гэта ў сераду, 22 верасня, паведамляе Telegram-канал PavlovskyNews.
«Абстралянае аўто праехала блізу 15 км. Паліцыя праводзіць следчыя дзеянні на месцы здарэння», - гаворыцца ў паведамленні.
Тым часам выданне Vesti.ua паведамляе, што на месцы здарэння быў працоўны, які стаў сведкам замаху.
Ён распавёў, што калі пачалася стральба, наперадзе Audi A8, у якой быў Шэфір, ехаў чорны аўтамабіль, а ззаду - белы мікрааўтобус.
«Мы наогул у Трыполлі працуем, ехалі, пачулі, што там нешта затрашчала. Калі пачалася страляніна, побач з Audi наперадзе ад яе, ехаў чорны аўтамабіль, а адразу ззаду белы мікрааўтобус», - распавёў ён.
У сваю чаргу намеснік кіраўніка МУС Антон Герашчанка паведаміў, што аўтамабіль Шэфіра быў не браняваны. Акрамя таго, ён не карыстаўся аховай.
«Стрэлы прагучалі з лесу з аўтаматычнай зброі ў кірунку руху аўтамабіля», - паведаміў Герашчанка.
Ён дадаў, што ў вобласці цяпер абвешчаны план «Перахоп».
Нагадаем, аўтамабіль Шэфіра абстралялі каля вёскі Леснікоў Кіеўскай вобласці. Па ім выпусцілі чаргу з 10 стрэлаў, тры кулі патрапілі ў кіроўцу.
У Сядзібе прэзідэнта абстрэл аўтамабіля першага памочніка Зяленскага звязалі з процідзеяннем алігархам.