Кітай уключыў варштат
11- 23.09.2021, 17:17
- 7,448
У краіне можа збанкрутаваць найбуйнейшы забудоўнікі КНР.
Каб пазбегнуць краху Evergrande, які можа прывесці да краху ўсёй кітайскай эканомікі, у Пекіне запусцілі варштат і надрукавалі 120 млрд юаняў, што складае 18,6 млрд даляраў ЗША, паведамляе The Wall Street Journal са спасылкай на крыніцы.
Паводле інфармацыі газеты, кітайскія ўлады ўжо рэкамендавалі сфармаваць у рэгіёнах групы юрыстаў і бухгалтараў для вывучэння фінансавага складніку дзейнасці забудоўніка. Рэгулятары таксама рэкамендавалі мясцовым уладам падабраць прыватных ці дзяржаўных забудоўнікаў, якія маглі б пераняць жыллёвыя праекты Evergrande.
Паведамляецца, што крэдыторская запазычанасць кампаніі дасягае 1,97 трлн юаней, або блізу 305 млрд даляраў. Evergrande ўжо прапусціла выплату адсоткаў у пазыках двух банкаў. Раней кампанія пачала працэс рэструктурызацыі сваіх запазычанасцяў. Пры гэтым на тыдні яна абвясціла аб выплаце купона па адным з выпускаў аблігацый.