У Маскве адбыўся маштабны пажар у інтэрнаце Вайсковага ўніверсітэта
- 24.09.2021, 9:28
- 3,998
Дах будынка абрынуўся.
У інтэрнаце Вайсковага ўніверсітэта Мінабароны РФ у Маскве адбыўся пажар. Было эвакуявана блізу 100 чалавек. Паводле папярэдняй інфармацыі, пацярпелых няма. Пра гэта паведамляе ТАСС.
"Паводле апошніх звестак, агонь інтэнсіўна распаўсюджваецца па даху і трэцiм паверсе, плошча пажару складае 1 тыс. кв. м", – сказаў суразмоўца выдання.
Пазней стала вядома, што абрынуўся дах будынка.
Паводле паведамлення ратавальнікаў, тушэнне пажару ўскладняюць драўляныя перакрыцці, пустоты і шчыльнае задымленне.
З агнём змагаюцца 120 пажарных, задзейнічана 29 адзінак тэхнікі.
Прычыны пажару пакуль невядомыя.