30 лiстапада 2021, aўторак, 15:17
Сім сім, Хартыя 97!
Рубрыкі

У Крамлі занерваваліся праз новыя санкцыі ЗША

13
У Крамлі занерваваліся праз новыя санкцыі ЗША

Пяскоў заявіў аб «згубленых надзеях».

Прэс-сакратар прэзідэнта РФ Дзмітрый Пяскоў заявіў, што магчымае прыняцце ЗША новых санкцыяў супраць Расеі з'яўляецца найгоршым сцэнарам развіцця стасункаў дзвюх краін. Пра гэта ён сказаў журналістам у пятніцу, 24 верасня ў каментары пастановы Палаты прадстаўнікоў Кангрэсу ЗША ўхваліць абаронны бюджэт, які ўключае новыя санкцыі супраць Масквы, паведамляе ТАСС.

«Гэтаму законапраекту трэба прайсці яшчэ некалькі ітэрацый, і далей будзе пытанне, ці прыслухаецца адміністрацыя да гэтых рэкамендацый аб санкцыях. Але, вядома ж, гэта найгоршы сцэнар развіцця нашых стасункаў. Гэта істотна перакрэсліла б «дух Жэневы» і нават тыя сціплыя надзеі на наладжванне, аднаўленне нейкага дыялогу субстантыўнага, які з'явіўся пасля Жэневы», - сказаў прадстаўнік Крамля.

У адказе на пытанне аб тым, ці можна ўважаць пытанне прыняцця гэтых санкцый вызначаным, Пяскоў паказаў, што Крэмль не займаецца прагназаваннем аб новых абмежавальных захадах Вашынгтона. Аднак пры гэтым канстатаваў, што «санкцыйныя памкненні амерыканскіх кангрэсменаў не слабнуць».

Нагадаем, у Кангрэсе ЗША ўхвалілі новыя санкцыі супраць РФ. Напрыклад, у абаронны бюджэт на 2022 год ўнеслі змяненні з рэкамендацыямі ўвесці шэраг санкцый у дачыненні да РФ.

Раней у абаронны бюджэт уключылі праўку аб увядзенні санкцый супраць газаправода «Паўночны струмень – 2».

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».