4 снежня 2021, Субота, 19:13
Сім сім, Хартыя 97!
Рубрыкі

Што адбудзецца з украінскімі алігархамі?

42
Што адбудзецца з украінскімі алігархамі?

Аналіз нашумелага закона ад юрыста.

Вярхоўная Рада Украіны прыняла законапраект пра алігархаў у другім чытанні 23 верасня. Дакумент ва Украіне крытыкуюць - называюць імітацыяй барацьбы з алігархамі ці ж магутнай пугай улады, якой яна зможа карыстацца на сваё меркаванне.

Бачыць дастаткова праблем у антыалігархічным законе і заснавальніца «Лігі антытраста» Агія Заграбельская. Юрыстка перакананая, што дакумент ніякім чынам на алігархаў істотна не паўплывае, а можа закрануць інтарэсы толькі пятага прэзідэнта Украіны Пятра Парашэнкі і ягонай палітсілы.

Для «Нового времени» Заграбельская прааналізавала прынятыя змены і палітычныя заявы, якія тычацца дэалігархізацыі ва Украіне.

Самая галоўная праблема гэтага дакумента - гэта тое, што ён ніякім чынам ніяк істотна не паўплывае на алігархаў. Закон не прадугледжвае ніякіх дадатковых тыпаў адказнасці ў дачыненні да алігархаў акрамя існых сёння.

Акрамя гэтага, закон пакідае алігархам асноўныя тры інструменты ўплыву, з дапамогай якіх яны і раней кіравалі краінай:

- Манаполіі, якіх закон ніякім чынам не тычыцца;

- Стан - усе грошы алігархаў у іх застаюцца;

- Тэлеканалы, якія таксама застаюцца ва ўладальнікаў, бо праз занясенне алігарха ў рэестр прадаваць тэлеканал няма неабходнасці.

Аргумент, які распаўсюджваецца прэзідэнцкай фракцыяй - будуць мець праблемы за мяжой з інвестыцыямі або вядзеннем бізнэсу - таксама, на жаль, не адпавядае рэчаіснасці на некалькіх прычын. Па-першае, за мяжой няма юрыдычнага вызначэння «алігарх», а такім чынам ніякіх наўпроставых юрыдычных наступстваў быць не можа. Па-другое, і ў Еўрапейскім Звязе, і ў Злучаных Штатах без занясення ў рэестр даўно ведалі, хто такія ўкраінскія алігархі Ігар Каламойскі, Рынат Ахметаў. Гэта не перашкаджала ім інвеставаць грошы і прыцягваць замежныя інвестыцыі. Таму за мяжой для алігархаў жыццё не мяняецца, ва Украіне, адпаведна таксама.

Для чаго прымаўся законапраект аб дэалігархізацыі? Рабілася гэта для [дасягнення] некалькіх мэтаў. З аднаго боку, гэта піяр, бо ўжо зразумела, што Уладзімір Зяленскі збіраецца ісці на другі тэрмін [прэзідэнцтва]. Гэта пачатак перадвыбарчай праграмы ўжо кандыдата ў прэзідэнты Уладзіміра Зяленскага. Другая прычына - адцягнуць увагу грамадства ад таго, што адбываецца напраўду. А напраўду правалены так званы «антыахметаўскі» закон, які павінен павысіць рэнту на здабычу жалезнай руды. Паралельна закрываюцца крымінальныя справы па Ратэрдаме. А яшчэ - спісваюцца больш за 50 мільярдаў пазык [алігарха Дзмітрыя] Фірташа. Можна доўга пералічваць.

Дрэнна, вядома, што [пры прыняцці закона] быў парушаны рэгламент. Гэта азначае, што ў будучыні ўсякі іншы закон можа «працягвацца» гэтак жа без аглядкі на заканадаўства і на рэгламентныя працэдуры.

Але для алігархаў гэты закон нічога не зменіць. Хіба што можа мець праблемы з гэтым законам кандыдат у алігархі, пяты прэзідэнт Украіны Пятро Парашэнка. Ягоная палітычная партыя апынулася пад пэўнымі рызыкамі ў праходжанні наступных парламенцкіх выбараў. Таму [палітычны пераслед] - гэта адна з мэтаў закона, менавіта ліквідацыя Парашэнкі і ягонай палітычнай сілы ад выбарчага працэсу.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».