У Японіі пачалі прадаваць памідоры з адрэдагаваным геномам
5- 24.09.2021, 15:03
- 1,596
Асабліва карысныя яны могуць быць для гіпертонікаў.
Японскія спецыялісты адрэдагавалі геном таматаў такім чынам, каб плады змяшчалі ў чатыры-пяць разоў больш гама-амінамаслянай кіслаты, чым звычайныя плады. Гэта рэчыва спрыяе нармалізацыі артэрыяльнага ціску, піша «Вокруг света».
Новы прадукт прадаецца ў Інтэрнэце кампаніяй Pioneer EcoScience, якая ў 2018 годзе заснавала кампанію Sanatech Seeds. Менавіта гэты стартап і займаецца зменай геному гародніны. Новы гатунак памідораў вырошчваецца ў цяпліцах у прэфектуры Кумамота.
Урад Японіі не патрабуе выкарыстоўваць асаблівую маркіроўку прадуктаў, геном якіх зазнаў змену. Аднак кампанія Sanatech Seeds дае зразумець, што гатунак быў створаны з выкарыстаннем тэхналогіі рэдагавання геному.