У Менску маршрутка ўрэзалася ў дрэва каля плошчы Бангалор

Ёсць пацярпелыя.

Сур'ёзнае ДТЗ з удзелам грамадскага транспарту зафіксавана сёння ў час вячэрняй гадзіны розруху на другім транспартным коле сталіцы. На месца здарэння прыбылі тры аўтамабілі хуткай дапамогі, пішуць «Онлайнер» відавочцы, не абышлося без пацярпелых.

У Менскай ДАІ расказалі папярэднюю версію: «а 17:00 кіроўца Mercedes (маршрутнае таксі) рухаўся па вуліцы Арлоўскай (з боку плошчы Бангалор у напрамку вуліцы Карастаянавай). У нейкі момант мужчына не справіўся з кіраваннем, выехаў за межы праезнай часткі і ўрэзаўся ў дрэва».

У выніку ДТЗ пацярпелі пасажыры маршруткі.