Навуковец з ЗША спрагназаваў, што будзе са штамам каранавіруса «Дэльта»

Экспэрт адзначыў, што вакцыны эфектыўна дзейнічаюць на варыянты каранавіруса.

Прэзідэнт Акадэміі прафілактычнай медыцыны, чалец Амерыканскай асацыяцыі аховы здароўя, амерыканскі навуковец казахскага паходжання Алмаз Шарман мяркуе, што варыянт каранавіруса «Дэльта» з павелічэннем колькасці вакцынаваных страціць сваю заразнасць. Пра гэта ён сказаў на прэс-канферэнцыі ў пятніцу ў Алматы, адзначае gordonua.com.

Са слоў навукоўца, «Дэльта» - выключна заразны варыянт каранавіруса. Шарман упэўнены, што гэта апошні агрэсіўны варыянт каранавіруса і ў далейшым пандэмія павінна пайсці на зніжэнне.

Ён падкрэсліў, што цяпер ідзе згасанне «Дэльта»-варыянта, але ў будучыні ў выпадку нізкай долі вакцынаванага насельніцтва можна чакаць з'яўлення іншых варыянтаў.

Шарман адзначыў, што вакцыны эфектыўна дзейнічаюць на варыянты каранавіруса, асабліва на «Альфу» - хоць гэты варыянт заразны, але вакцыны яго задушылі. У «Дэльта»-варыянта па-іншаму, ён «выслізгвае ад вакцын», мяркуе навуковец. Тым не менш у 70-80% выпадкаў вакцыны дэманструюць сваю эфектыўнасць, дадаў ён.

Навуковец таксама паведаміў, што па меры павелічэння ахопу вакцынацыяй каранавірус страціць сваю агрэсіўнасць і ператворыцца ў звычайную інфекцыю.

Шарман - амерыканскі навуковец-медык казахскага паходжання, спецыяліст у галіне біямедыцынскіх і медыка-дэмаграфічных даследаванняў і міжнароднай аховы здароўя.