У рэйтынгу самых папулярных палітыкаў Літвы лідзіруе Наўседа

Рэйтынг літоўскага прэзідэнта патроху набліжаецца да 50%.

Прэзідэнт Літвы Гітанас Наўседа застаецца самым папулярным палітыкам краіны, яго рэйтынг патроху набліжаецца да 50%, такія звесткі апытання, апублікаванага выданнем Lietuvos rytas. Апытанне правяла кампанія Vilmorus, піша delfi.lt.

Паводле звестак апытання, кіраўніка краіны станоўча ацэньваюць 52,8% рэспандэнтаў (у жніўні 55,2%, у чэрвені - 63,1%). Prezidentas Gitanas Nausėda «У нейкім сэнсе 50% - гэта прэзідэнцкі рэйтынг. Каб цябе выбралі, за цябе павінны прагаласаваць больш за палову рэспандэнтаў. Наўседа ўжо набліжаецца да 50%», - сказаў дырэктар Vilmorus Владас Гайдзіс.

Адмоўна кіраўніка краіны ацэньваюць 25,8% удзельнікаў апытання.

На другім месцы - старшыня сацыяльных-дэмакратаў Вілія Блінкявічутэ, яе станоўча ацэньваюць 49,2% (у жніўні - 49%) рэспандэнтаў, адмоўна - амаль 20%. На трэцім месцы - мэр Каўнаса Вісвальдас Маціёшайціс (44,5%, у жніўні 42,6%), адмоўна - удвая менш. На чацвёртым месцы спікер парламента Вікторыя Чміль-Нільс. Яе станоўча ацэньваюць 40,3% удзельнікаў апытання (у жніўні 37,2%). Адмоўна яе ацэньваюць 32,1% удзельнікаў апытання.

На пятым месцы міністр абароны Літвы Арвідас Анушаўскас - 33,2% (у жніўні 28,4%), адмоўна - 29,7% рэспандэнтаў. Кіраўніка Сацыяльнага міністэрства Мініку Навіцкене станоўча ацэньваюць 28,3%, а адмоўна 18,8% удзельнікаў апытання. У верасні стабілізаваўся рэйтынг прэм'ер-міністаркі Інгрыд Шымона. Станоўча яе ацэньваюць 33,1% удзельнікаў апытання, а адмоўна 46,9%.

Апытанне кампанія Vilmorus правяла на замову выдання Lietuvos rytas 9-16 верасня. У ім бралі ўдзел 1003 рэспандэнты.