БелАЗ апынуўся на мяжы банкруцтва
17- 26.09.2021, 10:39
- 29,178
Праз санкцыі з прадпрыемствам адмовіліся працаваць вядучыя сусветныя брэнды.
Даўгі флагмана айчыннага машынабудавання БелАЗ дасягнулі рэкордных 1,2 млрд рублёў. Праз адсутнасць новых замоў запазычанасць завода будзе толькі расці, піша тэлеграм-канал «Беларусь за МКАДам».
У найбліжэйшай будучыні гэта можа пагражаць масавымі скарачэннямі аж да прыпынку прадпрыемства.
Нагадаем, што БелАЗ быў уключаны ў чацвёрты пакет санкцый ЕЗ у чэрвені гэтага года. Практычна адразу пасля гэтага ад супрацоўніцтва з прадпрыемствам адмовіліся такія сусветныя брэнды, як Rolls Royce, Becker Group, Liebherr, Danfoss і Yokohama.
Санкцыі таксама паўплывалі на экспарт: груз акцыянернага таварыства БелАЗ не дапусцілі да перавозкі праз Клайпедскі марскі порт.