Страйк: трэба абавязкова перамагаць і ісці да канца
1- 26.09.2021, 11:43
- 1,688
У беларусаў ёсць добры шанец абрынуць рэжым.
Тэлеграм-канал «Баста!» падзяліўся меркаваннем чытача аб агульнанацыянальным страйку:
- У выніку санкцый і забастоўкі нічога, акрамя рэжыму, у свеце не абрынецца.
Трэба абавязкова перамагаць і ісці да канца, не здаючыся. Падтрымаць страйкавую барацьбу ўсім!
У іншым выпадку, калі лука застанецца ва ўладзе, то беларусы, усе, незалежна ад таго, хто змагаўся і змагаецца з рэжымам, а хто падтрымлівае рэжым, застануцца не тое што без працы, а застануцца ўвогуле без нічога, без усялякіх сродкаў да існавання нават пры наяўнасцi ў iх працы.
Увесь эканамічны прагматызм хунты заўсёды быў і будзе заснаваны на тым, каб напаўняць свае задніцы. Яны заўсёды сядзелі на шыях народа. Велізарныя сродкі ішлі не на развіццё эканомікі і таго, што трэба для народа, а на рэпрэсіўны апарат супраць народа і іншую паказуху.
У нас ёсць адзіны і апошні шанец - страйкам пазбавіцца ад таго, хто ўзурпаваў уладу.
Трэба рыхтавацца да страйку. І не бойцеся адкрыта пра гэта казаць. Запасацца прадуктамі і рабіць фота з хэштэгам «страйку быць!», выкладаючы ў сетку. Пісаць на сценах пад'езда «страйку быць», рабіць фота і выкладваць у сетку. Трэба дзейнічаць смела, рашуча і неадкладна!