18 кастрычнiка 2021, панядзелак, 20:17
Сім сім, Хартыя 97!
Рубрыкі

Выбары ў Чэхіі: У партыі прэм'ера і апазіцыі – практычна роўныя шанцы на перамогу

1
Выбары ў Чэхіі: У партыі прэм'ера і апазіцыі – практычна роўныя шанцы на перамогу
ФОТА: REUTERS

Кіроўная партыя Чэхіі страчвае дамінантнае становішча за два тыдні да выбараў.

Кіроўная партыя прэм'ер-міністра Чэхіі Андрэя Бабіша ANO страчвае дамінантнае становішча за два тыдні да выбараў. Пра гэта сведчаць вынікі апошніх сацыялагічных апытанняў, паведамляе "Еўрапейская праўда" са спасылкай на Euractiv.

Папулярнасць ANO упала да 24,5% напярэдадні выбараў, якія пройдуць з 8 да 9 кастрычніка.

Між тым кансерватыўны блок SPOLU і левацэнтрысцкая кааліцыя, сфармаваная Пірацкай партыяй (Зялёныя / EFA) і "Мэрамі і Незалежнымі" (EPP) адпаведна, маюць 23% і 20% падтрымкі.

Абодва апазіцыйныя блокі ўжо заявілі, што не ўвойдуць у склад ураду з партыяй ANO пасля выбараў, і апошняе апытанне паказвае, што SPOLU і Піраты і EPP могуць атрымаць дастаткова мандатаў для стварэння ўраду большасці.

Бабішу для захавання ўлады неабходна будзе супрацоўнічаць з такімі дробнымі партыямі, як крайняя правая "Свабода і прамая дэмакратыя" (ID)

або чэшскія камуністы (GUE / NGL), якія адкрыта заклікаюць да рэферэндуму пра выхад з ЕЗ і NATO.

Апытанне таксама паказвае, што цяперашні партнёр ANO – сацыял-дэмакраты – не дасягнулі 5-адсоткавага парога, неабходнага для праходжання ў парламент.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».