Медыкі назвалі восеньскія прадукты з супрацьзапаленчым дзеяннем
4- 27.09.2021, 14:23
- 5,752
Яны ўмацоўваюць імунітэт.
Лекар-дыетолаг, доктар медыцынскіх навук Міхаіл Гінзбург заявіў, што ўвосень людзям варта ўжываць багатыя бялком прадукты, а таксама прадукты з супрацьзапаленчым дзеяннем. Акрамя таго, варта звярнуць увагу на сезонныя гародніну і садавіну, паведамляе lenta.ru.
Са слоў Гінзбурга, увосень арганізму патрабуецца разнастайнае харчаванне з дастатковай колькасцю бялку і акцэнтам на супрацьзапаленчае дзеянне. Такога эфекту дапаможа дамагчыся марская рыба, бо ў ёй змяшчаецца не толькі бялок, але і амега-3 тлустыя кіслоты, а таксама вітамін D.
«Тут з'яўляецца супрацьзапаленчы момант, бо бялок кампенсуецца і чалавеку трэба менш мяса», - падкрэсліў лекар.
Лекарка-дыетолаг Наталля Круглова таксама параіла ўключыць у рацыён сезонныя гародніну і садавіну, якіх восенню даволі шмат. Карыснымі напоямі, напрыклад, з гэтых прадуктаў з'яўляюцца кампот і морс на аснове брусніц, парэчак і іншых ягад, якія змяшчаюць антыаксіданты і вітамін C.
Гінзбург дадаў, што такія сінія ягады, як чарніцы, ажыны і буякі, умацоўваюць імунітэт. Акрамя таго, паляпшаюць здароўе цыбуля, часнок, грубыя вугляводныя прадукты (грэчка, аўсянка, бабовыя і грубы хлеб). «Гэтыя прадукты фізіялагічныя, гэта значыць, чалавек іх звычайна не пераядае, бо яны досыць сытныя і параўнальна не каларыйныя», - сказаў на заканчэнне ён.