Пяскоў: У графіку Пуціна не было кантактаў з Лукашэнкам у Сочы
38- 27.09.2021, 18:18
- 65,662
Навошта Таракан лётаў у Сочы?
Прэс-сакратар прэзідэнта Расеі Дзмітрый Пяскоў заявіў, што Уладзімір Пуцін не планаваў сустракацца з Лукашэнкам, калі той знаходзіўся ў Сочы. Пра гэта паінфармавала агенцтва ТАСС.
- У нас у графіку на гэты момант няма якіх-небудзь элементаў працоўнага візіту Аляксандра Лукашэнкі ў Расею. Гэта значыць, што нейкіх кантактаў не запланавана, - сказаў Пяскоў.
Нагадаем, што 24 верасня самалёт Лукашэнкі вылецеў з Менска і прызямліўся ў Сочы. Крыху пазней расейскія інфармагенцтвы паведамілі пра тое, што Лукашэнка знаходзіцца ў Сочы з прыватным візітам.