15 кастрычнiка 2021, Пятніца, 22:46
Сім сім, Хартыя 97!
Рубрыкі

Якія падатковыя новаўвядзенні падрыхтавалі для беларусаў?

4
Якія падатковыя новаўвядзенні падрыхтавалі для беларусаў?

Апублікаваны Афіцыйны праект змяненняў у Падатковы кодэкс.

На сайце Мінфіна апублікавалі праект змяненняў у Падатковы кодэкс. Як мы раней пісалі, чыноўнікі хочуць сярод іншага скасаваць для ІП адзіны падатак і спрошчанае падаткаабкладанне, падняць падаткі для тых, хто здае ў арэнду кватэры і гаражы, збор для ўладальнікаў сабак. Сярод іншых прапаноў уладаў - з 2024 скасаваць ільготны збор у сферы аграэкатурызму. Распавядаем пра некаторыя з прапанаваных змяненняў у Падатковы кодэкс.

Мяркуючы з размешчанага праекту змен у ПК, з ліку аплатнікаў падатку пры спрошчанай сістэме падаткаабкладання хочуць прыбраць ІП, а таксама адвакатаў, натарыусаў, якія працуюць праз бюро.

З 1 студзеня 2023 года чыноўнікі хочуць скасаваць адзіны падатак з індывідуальных прадпрымальнікаў і іншых фізічных асоб. Бізнэс-саюзы і прадпрымальнікі выступаюць з крытыкай планаў чыноўнікаў увесці змены ў падатках. Яны прагназуюць зніжэнне канкурэнцыі, рост ценявой эканомікі, міграцыю бізнэсу, калі такія новаўвядзенні набудуць моц.

У праекце змяненняў у ПК прапісана, што з 2024 года хочуць скасаваць збор у сферы аграэкатурызму. Пры гэтым на 2022 год маюць намер падняць да 31 рубля на месяц выплату за адну аграсядзібу. Такую ж суму трэба будзе плаціць і за другую сядзібу (калі змяненне ў выніку прымуць). Якое падаткаабкладанне будзе для ўладальнікаў аграсядзібаў у выпадку ўвядзення зменаў, пакуль незразумела. Цяпер падатак для ўладальнікаў аграсядзібаў і рамеснікаў складае дзве базавыя адзінкі на год - 58 рублёў. Апошнім разам яго падвышалі з 1 студзеня гэтага года. Раней былі планы павысіць да 4 базавых - 116 рублёў.

У праекце абнаўленняў у ПК таксама прапісана, што падатак на перавышэнне выдаткаў над даходамі фізічных асоб могуць падняць да 20%. Цяпер ён складае 16%. Яго бяруць з сумы перавышэння.

У 2022 годзе ўлады хочуць таксама павысіць стаўкі падаходнага падатку з фізічных асоб, якія здаюць у арэнду жыллё, гаражы, машына-месца. Да прыкладу, у Менску падатак за здачу аднаго пакоя можа вырасці з наступнага года да 36,8 рубля (цяпер - 34,3 рубля), а ў абласных гарадах - да 34,5 рубля (цяпер - 32,2 рубля).

Стаўкі акцызаў на алкаголь і цыгарэты таксама плануюць падняць. Да прыкладу, цыгарэты з фільтрам хочуць разбіць на дзве групы па стаўках акцызаў (цяпер іх 3). Так, цяпер стаўка акцызу на самыя дарагія цыгарэты з фільтрам складае 82,77 рубля, а абмяркоўваецца падняць яе да 86,36 рубля за 1000 штук. Павысіць стаўкі акцызаў на цыгарэты налета маюць намер у 2 этапы - з 1 студзеня і 1 ліпеня. Раней разглядаўся варыянт павышэння ў адзін этап.

Стаўкі зямельнага падатку і на нерухомасць таксама павінны вырасці з наступнага года. Да прыкладу, сярэднія стаўкі зямельнага падатку па раёнах могуць падняць прыкладна на 7,2%.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».