21 кастрычнiка 2021, Чацвер, 23:52
Сім сім, Хартыя 97!
Рубрыкі

У Менску наспявае падзенне коштаў кватэр?

30
У Менску наспявае падзенне коштаў кватэр?

Аналагічныя працэсы адбываюцца і ў некаторых рэгіёнах Беларусі.

У студзені-жніўні 2021 года ў сталіцы Беларусі пабудавана ўжо амаль удвая больш жылля, чым у аналагічным перыядзе мінулага году, што можа прывесці да падзення коштаў на рынку сталічнай нерухомасці, піша select.by.

Паводле звестак Нацыянальнага статыстычнага камітэта РБ, у студзені - жніўні 2021 года ў Менску ўведзена ў эксплуатацыю 569,3 тысячы квадратных метраў жылля агульнай плошчы, што ў 1,97 разы (на 97,1%) больш, чым за аналагічны перыяд мінулага года.

Аб'ём будаўніцтва жылля з дзяржаўнай падтрымкай у сталіцы павялічыўся ў яшчэ большай ступені: у 3,4 разы - да 107,8 тысячы квадратных метраў.

Агулам у Беларусі за восем месяцаў гэтага года ўведзена ў эксплуатацыю 2 519,6 тысячы квадратных метраў агульнай плошчы жылля - на 18,1% больш, чым год таму. Пабудавана 29,2 тысячы новых кватэр.

Пры гэтым для чаргавікоў пабудавана 1 040 тысячы квадратных метраў агульнай плошчы, або 41,3% ад агульнага аб'ёму ўведзенага жылля. З іх з дзяржпадтрымкай уведзена ў эксплуатацыю 763,3 тысячы квадратных метраў - на 27,6% больш, чым у аналагічным перыядзе 2020 года.

У сельскіх населеных пунктах уведзена ў эксплуатацыю 730,9 тысячы квадратных метраў агульнай плошчы жылля, што склала 29% ад агульнага ўводу ў краіне.

На другім месцы ў тэмпах росту жыллёвага будаўніцтва за студзень-жнівень апынулася Гарадзенская вобласць, дзе ўведзена ў эксплуатацыю жылля на 15% больш - 279,5 тысячы квадратных метраў. Але гэта ўсяго толькі чацвёрты вынік у краіне, то бок, рэгіён ўсяго толькі кампенсуе адставанне.

Пры гэтым павелічэнне забяспечанае за кошт будаўніцтва з дзяржаўнай падтрымкай у 2,3 разы - да 126,7 тысячы квадратных метраў. А гэта ўжо трэцяе месца сярод рэгіёнаў РБ.

Значна павялічылі аб'ём будаўніцтва жылля і ў Гомельскай вобласці: на 13% - да 299,6 тысячы квадратных метраў. Але будаўніцтва жылля з дзяржаўнай падтрымкай у рэгіёне павялічылася ўсяго на 3,4%, дасягнуўшы 109,1 тысячы квадратных метраў.

Першае месца ў такім будаўніцтву па-ранейшаму займае Берасцейская вобласць, у якой з дзяржпадтрымкай за восем месяцаў гэтага года было пабудавана 169,1 тысячы квадратных метраў.

Гэта на 11,3% больш, чым у аналагічным перыядзе мінулага года. Пры гэтым агулам у рэгіёне ўвод жылля ў эксплуатацыю вырас на 8,1% і дасягнуў 377,2 тысячы квадратных метраў.

Выпадкова, ці не, але найбольшыя тэмпы росту жыллёвага будаўніцтва ў гэтым годзе ў рэгіёнах, у якіх назіралася найбольшае абвастрэнне палітычнай сітуацыі пасля прэзідэнцкіх выбараў.

На першым месцы ў аб'ёмах жыллёвага будаўніцтва застаецца Менская вобласць, у якой за студзень-жнівень уведзена ў эксплуатацыю 689 тысячы квадратных метраў жылля агульнай плошчы, што перавысіла ўвод за аналагічны перыяд мінулага года на 5,8%.

З дзяржпадтрымкай у вобласці пабудавана жылля на 33,7% больш - 150,8 тысячы квадратных метраў. Такім чынам, прырост жыллёвага будаўніцтва ў вобласці выкліканы павелічэннем дзяржаўнай дапамогі. Відавочна, гэта звязана з актывізацыяй узвядзення жылля для шматдзетных сем'яў, а таксама ў Смалявічах.

У двух рэгіёнах Беларусі аб'ёмы жыллёвага будаўніцтва за гэты перыяд скараціліся: у Магілёўскай вобласці - на 15,9% (да 150,2 тысячы квадратных метраў), а таксама ў Віцебскай вобласці - на 2,2% (да 154,8 тысячы квадратных метраў).

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».