29 сакавiка 2024, Пятніца, 14:52
Падтрымайце
сайт
Сім сім,
Хартыя 97!
Рубрыкі

Навукоўцы: Глабальнае пацяпленне прымушае жывёл змяняць знешні выгляд

1
Навукоўцы: Глабальнае пацяпленне прымушае жывёл змяняць знешні выгляд

Жывёлы рэагуюць на змены клімату, змяняючы форму.

Змены клімату ўплываюць не толькі на людзей, жывёлам таксама даводзіцца да іх адаптавацца. Так, некаторыя цеплакроўныя жывёлы павялічваюць памеры сваіх дзюб, ног і вушэй для паляпшэння рэгуляцыі тэмпературы свайго цела. Да такой высновы прыйшлі навукоўцы з Універсітэта Дзікіна ў Аўстраліі, паведамляе Phys.org.

Навукоўцы адзначаюць, што жывёлы рэагуюць на змены клімату хутчэй, чым калі-небудзь у гісторыі. «Кліматычныя змены, якія мы выклікалі, аказваюць на іх значна большы ціск, чым на нас. У той час як некаторыя віды адаптуюцца, іншыя - не», - заявіла вядучая аўтарка даследавання Сара Рыдзінг.

З ейных слоў, змены клімату гэта комплексны феномен, які прагрэсуе, таму нельга выдзяляць толькі адну прычыну змены аблічча жывёл. Але такія змены ўзнікаюць у шырокіх геаграфічных рэгіёнах і ў розных відаў жывёл, якіх акрамя змяненняў клімату мала што аб'ядноўвае.

Так, моцныя змены вонкавага аблічча зафіксаваныя ў птушак. У некаторых аўстралійскіх папугаяў з 1871 года памер дзюбы павялічыўся ў сярэднім на 4-10%, што карэлюе з павышэннем тэмпературы. Ёсць сведчанні і змены формы цела ў сысуноў. Так, у лясных мышэй і землярыек павялічваюцца памеры хваста.

Са слоў навукоўцаў, пакуль змены не вельмі крытычныя, у межах 10%, таму іх не так лёгка заўважыць. Разам з тым, паводле прагнозаў прыдаткі, якія выступаюць, такія як вушы, працягнуць павялічвацца, таму ў недалёкай будучыні па зямлі могуць пачаць хадзіць сапраўдныя «Дамба».

Напісаць каментар 1

Таксама сачыце за акаўнтамі Charter97.org у сацыяльных сетках