Самы тоўсты кот у Беларусі страціў апетыт

Кот па мянушцы Пёрка яшчэ нядаўна важыў 20 кілаграмаў.

Кот па мянушцы Пёрка, якога можна па праве лічыць самым тоўстым катом у рэспубліцы, спачатку важыў амаль 20 кг, пішуць «Минск-Новости». Пры гэтым сярэдняя вага ката складае ад 3 да 6 кг.

З дапамогай сваёй новай гаспадыні кот паступова скідаў лішнюю вагу, але потым пачаў імкліва страчваць кілаграмы - з 17 да 13,8. Пёрка страціў апетыт - магчыма, гэта здарылася праз летнюю спёку.

Як высветлілі лекары, у Пёркі ёсць праблемы з печанню і яму трэба лячэнне. Кату ставілі кропельніцы, цяпер ён знаходзіцца на стацыянарным лячэнні. І хоць ён зноў пачаў есці, аналізы ката не сталі лепшымі.