Пятро Парашэнка: Я вяртаюся, каб абараняць Украіну

Інтэрв'ю пятага прэзідэнта Украіны перад вяртаннем у краіну.

Пяты прэзідэнт Украіны, лідар "Еўрапейскай салідарнасці" Пятро Парашэнка, якому ўзгаднілі падазрэнне ў дзяржаўнай здрадзе, вернецца ва Украіну ў панядзелак, 17 студзеня, авіярэйсам з Варшавы, як і абяцаў раней. Пра гэта сам Парашэнка паведаміў у інтэрв'ю «Настоящему времени».

У гэтым годзе Пячэрскі суд Кіева арыштаваў усю маёмасць Парашэнкі, у тым ліку яго кватэры, зямельныя надзелы і ягоныя акцыі прыватных кампаній. На гэтым намагала ўкраінская пракуратура, якая падазрае Парашэнку ў дзяржаўнай здрадзе і спрыянні тэрарызму ў справе аб незаконных пастаўках вугалю з раёнаў Данбаса, занятых прарасейскімі сепаратыстамі.

На пытанне «Настоящего времени» ці гатовы ён сесці ў турму, Парашэнка адказаў так:

- Па-першае, гаворка ідзе не пра лёс Парашэнкі, гаворка ідзе пра лёс Украіны. І калі некалькі тыдняў таму я з'ехаў з Украіны, у мяне было міжнароднае турнэ, якое закранула пяць краін, безумоўна, там былі важныя сустрэчы. Але за гэтыя некалькі тыдняў змянілася вельмі шмат, таму што ўлада Зяленскага і Зяленскі асабіста ініцыяваў абвяшчэнне мне падазрэння не ўпаўнаважаным на гэта пракурорам з дапамогай маніпуляцый у офісе генеральнага пракурора, арышт усіх маіх актываў, напады на сродкі масавай інфармацыі. І на сённяшні дзень яны спрабавалі данесці паведамленне аб тым, што лепш было б мне не вяртацца, што яны б паставіліся да гэтага з разуменнем, што нічога б страшнага не было.

Галоўная мэта, якую мае цяпер Зяленскі, – напалохаць Парашэнку. Уладзімір Аляксандравіч, я за пяць год свайго прэзідэнцтва даў адпор Пуціну разам з камандай, разам з Украінай пры ўзброенай агрэсіі. Мы правялі вялікую колькасць рэформ, і ўжо сапраўды не вам мяне палохаць і не вас баяцца. Безумоўна, замест таго, каб аб'яднацца, Зяленскаму трэба адцягнуць увагу чарговым відэа, чарговымі пасадкамі, але тут не на таго нарваліся, таму ў мяне дрэнная навіна для вас, Уладзімір Аляксандравіч, я вяртаюся і вяртаюся не для таго, каб бараніцца ад Зяленскага, гэта таго не варта. Вяртаюся, каб абараняць Украіну, таму што зараз у Брусэлі, і вы гэта выдатна ведаеце, размўляю з палітыкамі з усяго Еўразвязу, яны кажуць, што цяпер сітуацыя сапраўды горшая, як на пачатку 2014 года і, магчыма, аднач з самых дрэнных за апошнія 30 гадоў. Пагроза не толькі для Украіны, але і для ўсёй Еўропы. І ў гэтых умовах, безумоўна, мы павінны абараніць Украіну ад Пуціна, абараніць краіну ад некампетэнтнай, прагнілай і наскрозь карумпаванай улады, якая можа толькі красці на сваіх бюджэтных падрадах, разбураючы тыя рэформы, якія былі потым і крывёй зроблены за пяць гадоў. Я, безумоўна, вярнуся, я разумею ўсе рызыкі. Я ведаю ўсё, чым Зяленскі хоча мяне напалохаць, мяне і маю каманду. Ён нікога не напалохае, мы сапраўды пераможам, таму што праўда за намі і Гасподзь Бог з намі.

- Як вы ўяўляеце сабе гэтую барацьбу з-за кратаў?

- Я не апынуся за кратамі, не хопіць ні духу, ні сіл, ні волі. Паслухайце, я ж усё ж пяты прэзідэнт, я не магу не вярнуцца і здрадзіць мільёнам галасоў, якія былі аддадзены за мяне і маю каманду і ў 2014-м, і ў 2019 годзе. Я не магу не вярнуцца, бо зараз менавіта з нашай камандай вялікая колькасць людзей звязвае свае надзеі на будучыню. І тыя змены, якія адбыліся ў сацыялагічных апытаннях, у электаральным асяроддзі, паказваюць, што наша палітычная сіла апярэдзіла Зяленскага, апярэдзіла «слуг народа» і на сённяшні дзень гэта яшчэ адна прычына, чаму Зяленскі дзейнічае такім чынам: таму што ён хоча па прыкладзе 2012 года прыбраць з парламенцкіх выбараў свайго асноўнага канкурэнта. Мы яму такі падарунак не зробім, таму што ключавая пазіцыя: ён павінен растлумачыць грамадству, у чым дзяржаўная здрада Парашэнкі.

Ведаеце, калі было 120 спраў з усім глупствам, пачынаючы ад Томасу [аб аўтакефаліі Праваслаўнай царквы Украіны] і заканчваючы Менскімі пагадненнямі, я ўсё гэта яшчэ трываў, але гэта ўжо другая справа пра дзяржаўную здраду. Вы ведаеце, калі была першая справа, якую Зяленскі распачаў? Дзяржаўная зрада мне была выстаўленая на падставе тэлефоннай размовы з Байдэнам, гэта яшчэ да абрання Байдэна прэзідэнтам. Потым яны хутка закрылі справу пра дзяржаўную здраду і пачалі новае. І не вам, Уладзімір Зяленскі, чалавеку, які чатыры разы ўхіляўся ад мабілізацыі, чалавеку, які выступаў у акупаванай Горлаўцы, танцуючы перад сепаратыстамі, чалавеку, які паказваў з маёй краіны Украіну-прастытутку, і чалавеку, які ні разу з 2014-га да 2019 года не быў на фронце, а які браў грошы ад [прадпрымальніка Ігара] Каламойскага, выконваючы ягоныя загады, - не вам вінаваціць мяне ў дзяржаўнай здрадзе. І ёсць яшчэ адна матывацыя ў Зяленскага рабіць гэта: гэта помста, помста спадара Каламойскага за страчаныя актывы, праз якія ён краў грошы ўкраінцаў з дзяржаўнага бюджэту.

Што чакае Украіну і самога Парашэнку пасля вяртання

Парашэнку - дзейны дэпутат Вярхоўнай Рады. За мяжой ён знаходзіцца ад 17 снежня. Пасля вяртання экс-прэзідэнта на радзіму суд павінен абраць яму меру стрымання. Следства патрабуе арышту або закладу на 1 мільярд грыўняў (36 мільёнаў даляраў).

У канцы 2021 года сацыёлагі з фонду «Дэмакратычныя ініцыятывы» імя Кучарыва супольна з Цэнтрам Разумкова апублікавалі вынікі апытання: калі б тады праходзілі прэзідэнцкія выбары, у першым туры Зяленскі атрымаў бы 24% галасоў, а Парашэнка - 16%. У гіпатэтычным другім туры роскід у раёне статыстычнай хібнасці: 49,9% у Зяленскага, 50,1% у Парашэнкі.

У канцы снежня Уладзімір Зяленскі выказаў меркаванне, што абвінавачванне Парашэнкі ў дзяржаўнай здрадзе не паўплывае на ўнутраную сітуацыю ў краіне: «На сітуацыю ўнутры дзяржавы, як правіла, уплываюць фінансавыя групы, і ён з'яўляецца адной з гэтых фінансавых груп. Мы разумеем, яны звозяць людзей, мы гэта бачым, з розных абласцей... Калі гэтыя пытанні звязаныя з канкрэтыкай, з вугалем, з тым, што мы прачыталі, - гандлем з сепаратыстамі, то няхай разбіраецца суд і праваахоўныя органы».