Стала вядома, як будзе выглядаць новы мост на Нямізе

Ужо гатовы праект падсветкі.

На месцы будаўніцтва новага моста на Нямізе пачалі бурэнне дадатковых свідравін для далейшага ўсталявання апор. Са слоў старшыні Менгарвыканкама Уладзіміра Кухарава, новы мост будзе адрознівацца ад зруйнаванага, паведамляе БелТА.

«Ідзе бурэнне свідравін пад далейшую закладку падмурка і падпорных сценак», - сказаў Уладзімір Кухараў.

У свідравінах дыяметрам 1,2 м будзе падрыхтаваны падмурак (залітае маналітнае збудаванне), усталяваныя бетонныя стойкі цэнтральных калон. Гэта значыць, пад цэнтральнай часткай моста будуць дадатковыя падпоры падставы. «Але пры гэтым новы мост будзе лягчэйшы, не такі масіўны, як ранейшы. І падымем яго крыху вышэй, чым было. Зрабілі ўжо праект падсветкі», - распавёў Кухараў.

Ён падкрэсліў, што бэлькі будучага перакрыцця, якія даставілі на аб'ект ужо сёння, вырабілі «ў паскораныя тэрміны».