Мухтар Аблязаў: Мы даможамся змены рэжыму
3- 17.01.2022, 10:13
- 6,122
Апазіцыйны лідар не выключыў, што яго вяртанне ў Казахстан "вельмі блізкае".
Адзін з лідараў казахстанскай апазіцыі Мухтар Аблязаў заявіў у інтэрв'ю РІА Новости, што распрацаваў план змены ўлады ў Казахстане, хоча быць прэм'ерам, папросіць дапамогі Захаду і ўжо звярнуўся да Макрона.
“Мы распрацавалі план, мы даб'ёмся змены рэжыму. Я прылячу і буду ўзначальваць часовы ўрад Казахстана тэрмінам на паўгода. Пасля гэтага будуць абвешчаныя выбары”, - заявіў Аблязаў.
Таксама ён паабяцаў:
“Калі нашая партыя пераможа на гэтых выбарах, то тады я стану легітымным прэм'ер-міністрам. Пасады прэзідэнта не будзе. Мы ліквідуем гэтую пасаду”.
Апазіцыянер сказаў, што плануе вярнуцца ў Казахстан, дзе завочна прысуджаны да пажыццёвага зняволення, а таксама не выключыў, што яго вяртанне ў краіну "вельмі блізкае".
- Мы будзем звяртацца. Я зараз выступаю публічна на французскай тэлевізіі. Я звяртаўся асабіста да Макрона. Я перасцярог заходнія краіны, што калі яны будуць займаць чакальную пазіцыю, то Цэнтральная Азія гэта мацнейшы будзе кацёл, чым у Афганістане, - дадаў суразмоўца агенцтва.