Знойдзены школьнік, які распыліў у менскім клубе пярцовы балончык

Падчас інцыдэнту пацярпелі чатыры дзяўчыны.

Па факце інцыдэнту ў клубе Crazy Horse Следчы камітэт распачаў крымінальную справу. Затрыманы падазраваны - 17-гадовы навучэнец адной са сталічных школ, паведамляе zerkalo.io.

Паводле звестак следства, 16 студзеня ў клубе Crazy Horse падчас вечарынкі невядомы распыліў пярцовы балончык у натоўп людзей, пасля чаго знік з месца здарэння.

У найкарацейшыя тэрміны асоба падазраванага была ўстаноўленая. Ім выявіўся 17-гадовы навучэнец адной са сталічных школ. Яго затрымалі.

У выніку інцыдэнту пацярпелі чатыры непаўналетнія дзяўчыны, яны шпіталізаваныя.

Ленінскім раённым аддзелам Следчага камітэта ў дачыненні да 17-гадовага падлетка распачатая крымінальная справа на падставе ч.3 арт.339 (Асабліва злоснае хуліганства) Крымінальнага кодэкса Беларусі. Максімальны тэрмін пакарання паводле гэтага артыкула - да 10 гадоў пазбаўлення волі.

З удзелам затрыманага праводзяцца следчыя дзеянні. Падчас допыту ён так і не здолеў растлумачыць прычыну свайго ўчынку, паведамілі ў Следчым камітэце.